काठमाडौं। पूर्व सचिव धरणीधर खतिवडा नेपाल उद्योग वाणिज्य महासंघको महानिर्देशकमा फेरि नियुक्त भएका छन्।यसअघि पनि उनी महानिर्देशक थिए। पशुपति मुरारका एफएनसीसीआईको अध्यक्ष भएपछि राजीनामा दिएर हिँडेका थिए । उनी प्रदीपजंग पाण्डेका पालामा महानिर्देशक नियुक्त भएका थिए। अध्यक्ष भवानी राणा, उपाध्यक्षहरु उमेशलाल श्रेष्ठ, किशोरकुमार प्रधान र चन्द्रप्रसाद ढकालसहितको पदाधिकारी बैठकले खतिवडालाई ल्याउने निर्णय गरेको बताइन्छ । सरकारसँग समन्वय हुन नसकेका कारण खतिवडालाई ल्याइएको दाबी गरिएको छ । नवनियुक्त महानिर्देशक खतिवडाले महासंघको छविलाई राष्ट्रिय तथा अन्तराष्ट्रिय रूपमा उच्च पार्दै मुलभुत उद्देश्य सफलताका लागि सचिवालयका कर्मचारीहरूबाट आफूलाई सहयोग प्राप्त हुने विश्वास व्यक्त शपथ ग्रहणका बेला व्यक्त गरेका छन् ।