काठमाडौं । विश्वव्यापी महामारीका रुपमा फैलिएको कोरोना संक्रममणाबाट नेपालमा एक जनाको पनि मृत्यु नभए पनि प्रवासमा रहेका डेढ दर्जन नेपालीको ज्यान गइसकेको छ । अमेरिकाको न्यूयोर्कमा अर्का एकजना नेपालीको कोरोना संक्रमणका कारण मृत्यु भएको छ। ६९ वर्षिय महेश अमात्यको बिहीवार उपचारका क्रममा मृत्यु भएको हो। अमात्यलाई स्वास्थ्यमा थप समस्या आएपछि बुधवार साँझ अस्पताल लगिएको थियो। ठमाडौं स्थायी घर भएका अमात्यका एक श्रीमती र ३ छोरा छन्। अमात्य केही महिना पहिले मात्रै अमेरिका पुुगेका थिए । पछिल्लो तथ्यांक अनुसार कोरोनाबाट अमेरिकामा मृत्यु हुने नेपालीको संख्या ५ पुगेको छ।