काठमाडौं । सबै स्थानीय तहमा पुग्ने लक्ष्य लिएको देशकै ठूलो बैंक एनआईसी एशियाका चार नयाँ शाखाहरु र एक शाखारहित बैंकिङ्ग सेवा असोज १२ देखि थपिएका छन् ।
पूर्वी रुकुमको सिस्ने गाउँपालिका–६ स्थित रुकुमकोट शाखाकोे उद्घाटन सिस्ने गाउँपालिकाका अध्यक्ष कुमारी बरालले गरे । त्यस्तै चितवन जिल्ला, भरतपुर महानगरपालिका वडा नं १८ स्थित चनौली शाखाको उद्घाटन बैंकका उपप्रादेशिक कार्यालयका प्रमुख विश्व पौड्यालले गरेका छन्ु ।
चितवन जिल्लाकै राप्ती नगरपालिका–५ स्थित भण्डारा शाखाको उद्घाटन राप्ती नगरपालिकाका प्रमुख प्रशासकीय अधिकृत मिठाराम हुमागाइँले गरे । साथै काठमाडौं जिल्ला कागेश्वरी मनहरा नगरपालिका वडा नं ९ काँडाघारीस्थित काँडाघारी शाखाको उद्घाटन बैंकका उपप्रादेशिक कार्यालयका प्रमुख वन्दना पोखरेलले गरिन् ।
यसैगरी झापा जिल्लाको कचनकवल गाउँपालिका–३ को पथरिया नयाँबजारमा सञ्चालनमा आएको शाखारहित बैंकिङ्ग सेवाको उद्घाटन कचनकवल शाखाका शाखा प्रबन्धक प्रविण खड्काले गरे । यी चार शाखाहरु र थप एक शाखारहित बैंकिङ्ग सेवा सञ्चालनमा आएसँगै सो क्षेत्रका ग्राहक महानुभावहरुलाई यस बैंकको सेवा प्राप्त गर्न थप सहज हुने विश्वास बैंकले लिएको छ ।