एजेन्सी । विश्वभरका आम मानिसको चाहना हो कोरोना विरुद्धको भ्याक्सिन बनोस् । तर विश्वभरका वैज्ञानिकहरुले रातदिन मेहनत गर्दा पनि कोरोना भाइरसविरुद्ध भ्याक्सिन आविष्कार गरे पनि मानिसमा सफल परीक्षण भइसकेको छैन । यसै क्रममा बेलायतमा कोरोना भाइरसविरुद्धको पहिलो खोप मानिसमा परीक्षण गरिएको छ । बेलायतको अक्सफोर्ड विश्वविद्यालयमा कोरोना भाइरस विरुद्धको खोपको पहिलो मानव परीक्षण सुरु भएको हो । बिहीबार सुरुमा २ जना स्वयंसेवकलाई इन्जेक्सन दिइएको छ । खोपको परीक्षण अध्ययनका लागि अन्य ८ सयभन्दा बढीलाई इन्जेक्सन दिइने तयारी गरिएको बताइएको छ । यो खोप ३ महिनाभित्र अक्सफोर्ड विश्वविद्यालयको टोलीद्वारा विकसित गरिएको हो । यो अभियानका लागि जेनर इन्स्टिच्युटबाट भ्याक्सिनोलोजीकी प्रोफेसर सारा गिलबर्टले प्रि–क्लिनिकल अनुसन्धानको नेतृत्व गरेकी थिइन् । खोपको परीक्षण सुरु गरेपछि उनले भनिन्, व्यक्तिगत रुपमा मलाई यो खोपमा निकै विश्वास छ, प्रोफेसर गिल्बर्टले भनिन्, ‘मलाई ८० प्रतिशत आत्मविश्वास छ कि यो भ्याक्सिनले काम गर्छ ।