काठमाडौं । बेवारिसे बम पड्किँदा रोल्पाको त्रिवेणी गाउँपालिका ७ मा चार बालबालिकाको ज्यान गएको छ । प्रहरीका अनुसार बेबारिसे अवस्थामा राखिएको बम खेलाउँने क्रममा विष्फोट भई चार जना बालबालिकाको मृत्यु भएको बताइएको छ । घटनास्थलमा रोल्पाको होलेरी र जुँगारबाट प्रहरी टोली पठाइएको जानकारी दिइएको छ । गाउँपालिका अध्यक्ष शान्तकुमार ओलीले बाख्रा चराएर घर फर्किरहेका बालबालिका बम बिस्फोटमा परेको बताएका छन् । बिस्फोट परी ज्यान गुमाउनेहरुमा रोल्पाको त्रिवेणी गाउँपालिका ७ बस्ने १४ वर्षीय नोखिराम डाँगी, ११ वर्षकी विमला खत्री, ५ वर्षका विजय खत्री र १३ वर्षका गौरव नेपाली रहेका छन् ।