काठमाडौं । चालु आर्थिक वर्षको तेस्रो त्रैमाससम्ममा एलजी इन्स्योरेन्सले १५ करोड ७२ लाख खुद नाफा आर्जन गरेको छ । गत वर्ष सोही अवधिको तुलनामा कम्पनीले ३८ लाख ४५ हजार रुपैयाँले बढी हो । गत आर्थिक वर्षको तेस्रो त्रैमासमा कम्पनीले १५ करोड ३४ लाख रुपैयाँ खुद नाफा आर्जन गरेको थियो ।
यस अवधिमा कम्पनीले ६२ करोड ६५ लाख रुपैयाँ खुद बीमा शुल्क आर्जन गरेको छ । यो गत आर्थिक वर्षको तुलनामा ९ करोड ४ लाख रुपैयाँले बढी हो । गत आर्थिक वर्षको यस अवधिमा कम्पनीले ५३ करोड ६० लाख रुपैयाँ खुद बीमाशुल्क आर्जन गरेको थियो । यस्तै कम्पनीले पुनर्बीमा कमिशन १९ करोड ७७ लाख रुपैयाँ, लगानी कर्जा तथा अन्य आयबाट ६ करोड ४८ लाख रुपैयाँ आम्दानी गरेको छ ।
चुक्ता पुँजी ६४ करोड रुपैयाँ कम्पनीको जगेडा कोषमा २७ करोड ७० लख रुपैयाँ, बीमा कोषमा ८७ करोड ९ लाख रुपैयाँ र महाविपत्ती कोषमा ६ करोड ३० लाख रुपैयाँ सञ्चित छ । कम्पनीको प्रतिशेयर आम्दानी २२ रुपैयाँ ७७ पैसा, प्रतिशेयर नेटवर्थ २८९ रुपैयाँ ११ पैसा र मूल्य आम्दानी अनुपात १६।६२ गुणा बढी छ ।
कम्पनीले १ लाख ३० हजार ४४६ वटा बीमालेख जारी गरी १ अर्ब ३१ करोड ३१ लाख रुपैयाँ कुल बीमाशुल्क आर्जन गरेको छ । यस अवधिमा कम्पनीको २१ हजार ८६२ वटा बीमालेखहरु नवीकरण भएका छन् । कम्पनीले ५ हजार २६७ वटा दाबी बापत ७५ करोड ४३ लाख रुपैयाँ भुक्तानी गरेको छ भने ३ हजार ३२४ वटा दाबी वापत ८९ करोड ७२ लाख भुक्तानी गर्न बाँकी छ ।