काठमाडौं । हिमालयन जनरल इन्स्योरेन्सको २६ औँ वार्षिक साधारणसभा असार २९ गते बस्ने भएको छ । कम्पनीको असार १ गते बसेको सञ्चालक समितिको बैठकले साधारणसभा असार २९ गते गर्ने निर्णय गरेको हो । उक्त सभा कम्पनीको केन्द्रिय कार्यालय, थापागाँउमा बिहान ११ बजे बस्ने छ ।कम्पनीले चुक्तापुँजी १ अर्ब २ करोड ७२ लाख रुपैयाँको ४ प्रतिशतले हुन आउने ४ करोड १० लाख ८८ हजार रुपैयाँ बराबरको बोनस सेयर र ३ दशमलव ७५ प्रतिशतले हुन आउने ३ करोड ८५ लाख २० हजार रुपैयाँबराबरको नगद लाभांश वितरण गर्ने प्रस्ताव गरेको छ। साथै सभामा गत आर्थिक बर्षको वार्षिक प्रतिवेदन स्वीकृत गर्ने, नाफा नोक्सान सम्बन्धी विवरण र आगामी आर्थिक वर्षका लागि लेखापरिक्षकको नियुक्त गर्ने सम्बन्धी छलफल हुने भएको छ ।