काठमाडौं । सबै पेशा व्यवसायमा प्रविधिको प्रयोग बढिरहेको बेला एशियन लाइफ इन्स्योरेन्सले अनलाईन मार्फत बीमालेख बिक्री गर्ने भएको छ । कोरोना भाइरसको संक्रमण बढेसँगै अनलाईन माध्यमको प्रयोग र आवश्यकतालाई मध्यनजर गर्दै अनलाईन मार्फत बीमालेख बिक्री गर्न सकिने व्यवस्था गरेको हो ।
कम्पनीले हालको लागि कम्पनीको आधिकारिक वेभसाइट https : //www.asianlife.com.np/मा एजेण्ट पोर्टल मार्फत २४ सै घण्टा आवेदन दिन सकिने व्यवस्था गरेको छ । इजाजत प्राप्त अधिकर्ताहरुले कम्पनीको बेवसाइटमा एजेण्ट पोर्टल मा गएर लगइन गरी बीमा गर्न चाहने व्यक्तिको विवरण भर्न सकिनेछ । अनलाईन सुविधाका कारण बीमालेखको प्रस्ताव फारम लगायत कागजपत्र बोकेर अभिकर्ताहरु शाखा कार्यालयमा गइरहनु नपर्ने,समयको बचत हुने र कोरोना संक्रमणको जोखिम समेत कम हुने कम्पनीको विश्वास छ । समितिले गत जेठ १४ गते अनलाईन बीमालेख जारी गर्न निर्देशन दिएको थियो । समितिको निर्देशन अनुसार हाललाई अधिकतम ३ लाख बीमांक सम्मको बीमालेख बिक्री गर्न सकिनेछ । यस्तै इसेवा र फोन पे मार्फत पनि नविकरण शुल्क बुझाउन सकिने व्यवस्था रहेको कम्पनीले जनाएको छ ।