काठमाडौं । राजधानीको बाक्लो बस्ती त्यसमाथि लकडाउन खुकुलो बनाएपछि राधजानी बाहिरबाट र विदेशबाट मानिसहरुको आउने जाने क्रम बढेसँगै राजधानीमा कोरोना संक्रमित दिनदिनै थपिने क्रम बढेको छ । पछिल्लो २४ घण्टामा नेपालमा थप ४८२ लाई कोरोना भाइरस संक्रमण हुँदा राजधानीका १७ जना पनि त्यसमा परेका छन् । स्वास्थ्य तथा जनसंख्या मन्त्रालयको नियमित प्रेस ब्रिफिङमा प्रवक्ता प्रा।डा जागेश्वर गौतमले ११७ महिला र ३६५ पुरुषलाई कोरोना पोजेटिभ पुष्टि भएको जानकारी दिनुभयो । यो सँगै कोरोना संक्रमितको संख्या १४ हजार ४६ पुगेको छ । जसमा पुरुषको संख्या १२ हजार २७२ रहेको छ भने १ हजार ७७४ महिला रहेका छन् ।