इटहरी । अजोड इन्स्योरेन्स लिमिटेड इटहरी शाखाको आयोजनामा मंसिर २६, २७ र २८ गते संगीत चोक, इटहरीमा आधारभुत निर्जीवन बिमा अभिकर्ता तालिम सम्पन्न भएको छ ।
सो तालिम प्रदेश नं. १ र २ लाई समेट्ने गरि आयोजना गरिएको कम्पनीले जनाएको छ । तालिमको अवसरमा अजोड इन्स्योरेन्स लिमिटेडका सहायक महाप्रबन्धक अनिलकुमार अर्यालले बीमाको परिचय, बीमा व्यवसायको हालको अवस्था र चुनौतिदेखि यस क्षेत्रको विकास र विस्तारमा बिमा अभिकर्ताले निर्भाह गर्नुपर्ने भुमिका लगायतका विषयमा प्रष्ट पारेका थिए ।
त्यस्तै अजोड इन्स्योरेन्सका मुख्य प्रबन्धक डोरिन्द्र दाहालले आधारभुत निर्जीवन बीमाको साथै अभिकर्ताको काम कर्तव्य र अधिकार तथा जिम्मेबारीको विषयमा प्रकाश पारेका थिए। सो आधाभुत निर्जीवन बीमा अभिकर्ताको तालिममा २४ जना अभिकर्ताहरुको सहभागीता रहेको थियो ।