काठमाडौं । आफ्नै पार्टी समेत अध्यादेशको पक्षमा नदेखिएपछि एकाएक पछाडि हट्न बाध्य प्रधानमन्त्री केपी शर्मा ओलीले आज मन्त्रिपरिषद्को बैठक बोलाएका छन् । गत सोमबारको मन्त्रिपरिषद्ले पारित गरेका दुई अध्यादेशका चर्को विरोध भैरहेको बेला प्रधानमन्त्री केपी शर्मा ओलीले आकस्मिक बैठक बोलाएको बताइएको छ । बिहीबार नेकपाका ६ शीर्ष नेताहरुको भेला गरी प्रधानमन्त्रीलाई अध्यादेश फिर्ता लिन समेत सुझाव दिएका थिए । प्रधानमन्त्रीले पनि आफु अध्यादेश फिर्ता लिन तयार रहेको बताएका थिए । प्रधानमन्त्री ओली बिहिबार साँझ राष्ट्रपति विद्यादेवी भण्डारीसँग परामर्शका लागी राष्ट्रपति कार्यालय शितलनिवास पुगेका थिए ।