काठमाडौं । नेपाल व्यवस्थापन संघको ३९औं राष्ट्रिय व्यवस्थापन सम्मेलनका क्रममा संघले मेगा बैंक नेपाल लिमिटेडका प्रमुख कार्यकारी अधिकृत अनुपमा खुञ्जेलीलाई ‘बेष्ट वुमन म्याजेजर अफ दि इयर’को रुपमा सम्मानित गरेको हो । संघले राजधानीको होटल याक एण्ड यतिमा उक्त सम्मेलन आयोजना गरेको थियो । सो कार्यक्रममा उपराष्ट्रपति नन्दबहादुर पुनले खुञ्जेलीलाई सो अवार्ड प्रदान गरेका हुन् । बैंकिङ क्षेत्रमा २९ वर्षदेखि सक्रिय खुञ्जेली वाणिज्य बैंकहरुमध्येकै पहिलो महिला प्रमुख कार्यकारी अधिकृत पनि हुन् । उनको व्यवस्थापकीय नेतृत्वमा सो बैंकले राम्रो वित्तीय कार्यसम्पादन गर्दै आएको छ । सोही कार्यसम्पादनका आधारमा खुञ्जेलीलाई त्यस्तो सम्मान गरिएको हो । उनी आएलगत्तै बैंकले टुरिजम डेभलपमेन्ट बैंक एक्वायर गरेको थियो भने अहिले गण्डकी विकास बैंकलाई एक्वायर गर्ने प्रक्रिया चलिरहेको छ । उनी मेगा बैंकमा संस्थापनादेखि नै क्रियाशील रहँदै आएकी छिन् ।