नेपाल उद्योग वाणिज्य महासंघ (एफएनसीसीआई) को निर्वाचन परिणाम सार्वजनिक भएको छ। वैशाख २२ गते नेपाल प्रज्ञा प्रतिष्ठानमा सम्पन्न मतदानको अन्तिम मतपरिणाम घोषणा गरिएको हो।
विधानअनुसार अन्जन श्रेष्ठ स्वतः अध्यक्ष बनेका हुन् भने अन्य पदाधिकारी तथा सदस्य पदका लागि निर्वाचनमार्फत प्रतिनिधि चयन गरिएको छ।
यस समूहबाट कृष्णप्रसाद शर्मा र दिलसुन्दर श्रेष्ठ उपाध्यक्षमा निर्वाचित भएका छन्। शर्माले ८७ तथा श्रेष्ठले ८० मत प्राप्त गरेका हुन्।
कार्यकारिणी समिति सदस्य (खुला)तर्फ निर्वाचित हुनेहरू:
महिलातर्फ गीता अमात्य र हिरा भट्टराई निर्वाचित भएका छन्।
प्रत्येक प्रदेशबाट दुई जनाका दरले निर्वाचित सदस्यहरू:
वस्तुगत समूहबाट नरेशलाल श्रेष्ठ उपाध्यक्षमा निर्वाचित भएका छन्। उनले ६३ मत प्राप्त गर्दा प्रतिस्पर्धी शिवप्रसाद घिमिरेले ६० मत पाए।
कार्यकारिणी समिति सदस्यमा निर्वाचित हुनेहरू:
महिलातर्फ सुनिता न्हेम्हाफुकी विजयी भएकी छन्।
वस्तुगत महासंघबाट सदस्यमा विश्वनाथ खनाल र सुनैना घिमिरे निर्वाचित भएका छन्।
एसोसिएटतर्फ प्रबलजंग पाण्डे उपाध्यक्षमा निर्वाचित भएका छन्। उनले १ हजार ७९ मत प्राप्त गर्दा प्रतिस्पर्धी ज्योत्स्ना श्रेष्ठले ७५० मत ल्याइन्।
कार्यकारिणी समिति सदस्यमा निर्वाचित हुनेहरू:
महिलातर्फ अभिज्ञा मल्ल र जुना माथेमा निर्वाचित भएका छन्।
द्विराष्ट्रिय उद्योग वाणिज्य संघतर्फ मनोज पौडेल विजयी भएका छन् भने संस्थापक सदस्य समूहबाट गोपाल श्रेष्ठ र सुमनकुमार श्रेष्ठ निर्वाचित भएका छन्।
