कैलाली । अपारधको पनि हद हुन्छ । अपराधको हदले सीमा नाघ्यो भने यस्ता घटना हुन्छन् । कैलालीमा छोरी बलात्कारको आरोपमा एक जना पक्राउ परेका छन् । जिल्लाको चुरे गाउँपालिका ५ भासु बजारका ५४ बर्षका मानिसलाई १३ बर्षकी छोरी बलात्कारको आरोपमा प्रहरीले पक्राउ गरेको हो । जेठ १७ गते हात खुट्टा बाँधेर घरमै बलात्कार गरेको भन्दै उजुरी परेको ईलाका प्रहरी प्रमुख प्रहरी निरीक्षक माधव बिश्वकर्मा बताएका छन् । पीडित बालिकाले आफूमाथि पटक पटक बलात्कार गर्ने गरेको उजुरीमा उल्लेख गरेको प्रहरी निरीक्षकले जानकारी दिए । त्यो दिन भन्दा पहिले रुखमा बाँधेर बलात्कार गरेको आरोप छ, उनले भने कसैलाई खबर गरेमा मार्ने धम्कीसमेत दिँदै अएका रहेछन् । बालबालिकाले सबैभन्दा विश्वास गर्ने अभिभावकबाटै यस्ता हर्कत हुनु भनेको अपराधले पनि सिमा नाघ्नु हो । यस्ता अपराधलाई निरुत्साहित गर्न कडा भन्दा कडा कारबाहीको आवश्यकता छ ।