काठमाडौं । मागअनुसारको आपूर्ति नहुँदा नेपाली बजारमा देखिएको सुनको अभाव पूर्ति गर्न सुन आयातको सिमा बढाइएको छ । केन्द्रिय बैंकले बिहीबार एक परिपत्र जारी गर्दै सुन आयातको सिमालाई बढाएर दैनिक २० केजी सुन आयात गर्न पाउने व्यवस्था गरेको हो। यस अघि दैनिक १० केजी मात्रै सुन आयात गर्न पाउने व्यवस्था थियो। व्यवसायीहरुले सुनको माग धान्न मुस्किल परेको भन्दै सुन आयातको कोटा बढाउन आग्रह गरेपछि केन्द्रिय बैंकले सुन आयात बढाएको हो।