सिड्नी । शैक्षिक परामर्श पेशामा काम गर्ने एक्सपर्ट एजुकेशन एन्ड भिषा सर्भिसेजले ग्रामिण अग्नी निणन्त्रण बिभागलाई दश हजार अस्ट्रेलीयन डलर सहयोग गरेको छ । बिभागको कार्यालयमा आयोजित कार्यक्रममा एक्सपर्टका निर्देशक सन्जिव शर्माले ग्रामिण अग्नी नियन्त्रण बिभागका प्रमुख शेन फीजसिमोन्सलाई दश हजार डलरको चेक हस्तान्तरण गरेका थिए । डढेलोले अस्ट्रेलियाको करिब ५९ लाख हेक्टर क्षेत्रफलमा प्रभाव पारेको र यसको प्रकोपमा परि २३ जना अस्ट्रेलियानले ज्यान गुमाइसकेको अवस्थामा राहतका लागि सहयोगमा जुट्न समेत आग्रह गरे ।
देशभर फैलिएको डढेलोको प्रकोपसँग जुधिरहेको अस्ट्रेलियन सरकार यतिखेर ठूलो बाताबरणिय तथा आर्थिक संकटबाट गुज्रनुपर्ने अवस्थामा देखिएको छ । तिन महिनादेखि फैलिएको डढेलोबाट हजारौ जनता घरबार बिहिन भएका छन् । डढेलोले अहिलेसम्म करिब पाँच करोड पुशपंक्षी जलेर राख भएका छन ।
यस्तै नेपाली ब्यवशायीहरुले पनि प्राकृतिक प्रकोपबाट पीडित बनेको अस्ट्रेलियन सरकारलाई सहयोग गर्न सुरु गरेका छन । बिभिन्न सामाजिक संघ संस्थाले आआफ्नो तर्फवाट सहयोग रकम संकलन अभियान समेत थालनी गरेका छन् ।
डढेलोको कारण दुइ हजार ६ सय घरहरु नष्ट भएका छन् भने अझै धेरै स्थानमा यसको प्रभाव जारी नै रहेको छ । यसैबीच, झापाली समाज अस्ट्रेलिया, अस्ट्रेलीयन एजुकेशन कन्सलट्यान्ट एलाइन्स, अर्घाखाची समाज लगायतका संघ संस्थाले पनि सहयोग संकलन कार्य प्रारम्भ गरेका छन् ।
