काठमाडौं । मुलुकको असज अवस्थाबीचमा आइएमई जनरल इन्स्योरेन्स कम्पनीले चालु आर्थिकम वर्षको प्रथम त्रैमाससम्ममा खुद नाफामा वृद्धि गरेको छ भने १५ करोड ८ लाख रुपैयाँ खुद बीमा शुल्क आर्जन गरेको छ । गत आर्थिक वर्षको सोही अवधिमा कम्पनीले १६ करोड ५१ लाख रुपैयाँ खुद बीमा शुल्क आर्जन गरेको थियो । गत आर्थिक वर्षको सोही अवधिको तुलनामा कम्पनीको खुद बीमा शुल्क आर्जन ४ प्रतिशतले कमी हो ।
१ अर्ब ८ करोड रुपैयाँ चुक्ता पूँजी रहेको कम्पनीको जगेडा कोषमा २२ करोड ७८ लाख रुपैयाँ संचिती रहेको गत आर्थिक वर्षको सोही अवधिमा कम्पनीको जगेडा कोषमा १७ करोड ८१ लाख रुपैयाँ संचिती रहेको थियो । त्यस्तै, कम्पनीको बीमा कोषमा ३७ करोड ४४ लाख रुपैयाँ रहेको छ ।
समिक्षा अवधिमा कम्पनीले ३ करोड ५४ लाख रुपैयाँ खुद नाफा आर्जन गरेको छ । गत आर्थिक वर्षको सोही अवधिमा कम्पनीले २ करोड ७४ लाख रुपैयाँ मात्र खुद नाफा कमाएको थियो । गत आर्थिक वर्षको सोही अवधिको तुलनामा कम्पनीको नाफा २९ प्रतिशतले बढी हो ।
चालु आर्थिक वर्षको पहिलो त्रैमासमा कम्पनीले ४ करोड ५२ लाख रुपैयाँ खद दाबी भुक्तानी गरेको छ । गत आर्थिक वर्षको सोही अवधिमा ५ करोड ६८ लाख रुपैयाँ खद दाबी भुक्तानी गरेको थियो । गत आर्थिक वर्षको सोही अवधिको तुलनामा कम्पनीको खद दाबी भुक्तानी २० प्रतिशतले कमी हो । समिक्षा अवधिमा कम्पनीले ३४ करोड ११ लाख रुपैयाँ कुल बीमा शुल्क आर्जन गरेको छ । गत आर्थिक वर्षको सोही अवधिमा कम्पनीले ३३ करोड रुपैयाँ कुल बीमा शुल्क आर्जन गरेको थियो । गत आर्थिक वर्षको सोही अवधिको तुलनामा कम्पनीको कुल बीमा शुल्क आर्जन ३ दशमलव ३६ प्रतिशतले बढी हो ।