काठमाडौं । सुनचाँदीको मूल्य निरन्तर दोश्रो दिन सस्तिएको छ । कार्तिक ३ गते, बिहीबार सुन तोलामा १०० रुपैयाँले घटेको छ । चाँदीको मूल्य पनि प्रतितोला पाँच रुपैयाँले गिरावट भएको छ । नेपाल सुनचाँदी व्यवसायी महासंघका अनुसार आज छापावाल सुन प्रतितोला ९३ हजार १०० रुपैयाँमा र तेजाबी सुन प्रतितोला ९२ हजार ६०० रुपैयाँमा झरेको छ । बुधबार पनि सुन तोलामा २०० रुपैयाँले ओरालो लागेको थियो । हिजो सुन प्रतितोला ९३ हजार २०० रुपैयाँमा कारोबार भएको थियो । बिहीबार चाँदीको भाउ पनि गिरावट भएको छ । यस दिन चाँदी तोलामा पाँच रुपैयाँले घटेर प्रतितोला एक हजार १७० रुपैयाँमा खरिदबिक्री हुँदैछ । अघिल्लो कारोबार दिन पनि चाँदीको भाउ प्रतितोला पाँच रुपैयाँले नै सस्तिएर प्रतितोला एक हजार १७५ रुपैयाँमा किनबेच भएको थियो ।