काठमाडौं । सुनको भाउ लगातार तेश्रो दिन पनि वृद्धि भएको छ । भदौ २१ गते, सुन तोलामा ३०० रुपैयाँले महंगिएको छ । नेपाल सुनचाँदी व्यवसायी महासंघका अनुसार यस दिन चाँदी पनि प्रतितोला १० रुपैयाँले उकालो लागेको छ । मंगलबार छापावाल सुन प्रतितोला ९४ हजार रुपैयाँ र तेजाबी सुन प्रतितोला ९३ हजार ५०० रुपैयाँ पुगेको छ । साताको दोश्रो दिन पनि सुन तोलामा १०० रुपैयाँले बढेर प्रतितोला ९३ हजार ७०० रुपैयाँमा कारोबार भएको थियो । गत तीन दिनमा सुन तोलामा एक हजार रुपैयाँले बढिसकेको छ । यसैगरी, चाँदीको मूल्य पनि निरन्तर चार दिन देखि बढोत्तरी भएको छ । मूल्य वृद्धिको क्रममा चाँदी आज तोलामा १० रुपैयाँले महंगिएर प्रतितोला एक हजार १२५ रुपैयाँमा किनबेच हुँदैछ । सोमबार पनि चाँदी प्रतितोला पाँच रुपैयाँले बढ्दा एक हजार ११५ रुपैयाँमा खरिदबिक्री भएको थियो । गत बिहीबार यता चाँदी प्रतितोला २५ रुपैयाँले बढेको महसंघको तथ्यांकमा देखिन्छ ।