काठमाडौं । राष्ट्रिय वाणिज्य बैङ्क लिमिटेडको सहायक कम्पनी आरबीबी मर्चेन्ट बैङ्किङ्ग लिमिटेडकोे प्रमुख कार्यकारी अधिकृतमा बद्रीप्रसाद प्याकुरेल नियुक्त भएका छन् ।
अर्थशास्त्रमा स्नातकोत्तर गरी बैङ्किङ तथा पूँजीबजारको क्षेत्रमा १५ वर्षभन्दा बढिको अनुभव संगालेका प्याकुरेल यसअघि एनआईबिएल एस क्यापीटलमा सहायक महाप्रबन्धकमा कार्यरत थिए ।
चार वर्षका लागि सो पदमा नियुक्त गरिएका प्रमुख कार्यकारी अधिकृत प्याकुरेलले शुक्रबार एक समारोहका बीच पदबहाली गरेका छन् ।
हाल शहरी क्षेत्रमा मात्र रहेको मर्चेन्ट बैकिङ्ग सेवा राष्ट्रिय वाणिज्य बैङ्कको ७७ जिल्लामा रहेका २३८ वटा शाखा कार्यालयबाट पनि लिन सकिन्छ । आरबीबी मर्चेन्ट बैङ्किङको हाल २० करोड चुक्तापुँजी छ ।