काठमाडौं । आफ्ना ग्राहकलाई सबै क्षेत्रमा सेवा सुविधा विस्तार गर्ने अभियानमा रहेको नेपाल इन्भेष्टमेण्ट बैंकले चिरायु नेशनल अस्पतालमा आफ्ना कर्मचारी तथा शेयरधनीहरुलाई स्वास्थ्य सेवामा विशेष छूट दिने भएको छ ।
यससम्बन्धी सम्झौतापत्रमा बैंकका नायव महाप्रबन्धक विजेन्द्र सुवाल र अस्पतालका सञ्चालन निर्देशक चन्डेश्वर नन्दराज वैद्यले दुवै संस्थाका कर्मचारीहरूको उपस्थितिका बीच हस्ताक्षर गरे ।
अब बैंकका सबै कर्मचारीहरू, खाताधनीहरू र नेपाल इन्भेष्टमेण्ट बैंकका सेयरधनीहरूले चिरायु अस्पतालमा बेड शुल्क, अस्पतालभित्र गरिने परीक्षण, प्रक्रियागत शुल्क, शल्यक्रिया शुल्क र फार्मेसीमा छुट प्राप्त गर्नसक्ने छन् ।