काठमाडौं । ओम डेभलपमेन्ट बैंक मर्जरमा गएका एनएमबि बैंकले गण्डकी प्रदेशका ग्राहकहरूलाई विशेष लक्षित गरेर नयाँ बचत खाता एनएमबि समृद्ध गण्डकी बचतको घोषणा गरेको छ शाखाका आधारमा गण्डकी प्रदेशमा यस बैंक सबैभन्दा ठूलो हो
। यस प्रदेशमा मात्रै बैंकका ३९ शाखा छन् भने देशभरि १६३ शाखा, १२८ एटीएमहरू र ५ एक्सटेन्सन काउन्टरहरू रहेको बैंकले जनाएको छ । एनएमबि बैंकले फाइनान्सियल टाइम्स लन्डनबाट सन् २०१७ र २०१८ मा लगातार दुई वर्षसम्म बैंक अफ द इयर सम्मान समेत जितिसकेको छ ।
एनएमबि र ओमबीचको संयुक्त कारोबार ११ असोजबाट सञ्चालन भइसकेको छ । यो बचत खाताले खातावालाको श्रीमान–श्रीमती र निजको दुई जनासम्म बालबालिकाका लागि १ लाख रुपैयाँसम्मको औषधी उपचार बीमा र थप १० लाख रुपैयाँ सम्मको दुर्घटना मृत्यु बीमासहितका आकर्षक विशेषताहरूको प्याकेज उपलब्ध गराउने घोषणा गरेको छ ।