काठमाडौं । एशियन लाइफ इन्स्योरेन्स कम्पनीले आफ्ना बीमितको ज्यान गएपछि आश्रित परिवारलाई बीमा बापतको रकम हस्तान्तरण गरेको छ । कम्पनीको बिराटनगर शाखाले एक कार्यक्रमको आयोजना गरि मृतकको परिवारलाई मृत्यु दाबी रकम भुक्तानी गरेको हो । बिराटनगर – ५, मोरङ बस्ने ज्ञान कुमारी तामाङको श्रीमान भक्त लामा मोक्तानको यही साउन ३ गते बिरामी भइ उपचारको क्रममा मृत्यु भएकोले निजकी श्रीमती ज्ञान कुमारी तामाङलाई एक लाख पैतिस हजार पाच सय छयासी रुपैयाँको हस्तान्तरण गरेको हो । उक्त चेक बिराटनगर शाखाका शाखा प्रबन्धक सरोज भण्डारीले हस्तान्तरण गरेका हुन् । मृतकले यस कम्पनीमा साबधिक जीबन बीमा योजनामा १ लाख १ हजारको बीमा गरेका थिए । साथै उक्त कार्यक्रममा शाखाका शाखा प्रबन्धक सरोज भण्डारीले बीमाको महत्व र आवश्यकता बारे जानकारी गराउदै आजको दिनमा मानब जीबन अति नै जोखिमपूर्ण रहेकोले सुनौलो भबिस्य निश्चित गर्नको लागि बीमा अतिनै आवश्यक रहेको बताए ।