काठमाडौँ । विश्व बजारमा पेट्रोलियम पदार्थको मूल्य ओरालो लागे पनि नेपालमा भने मूल्य बढिरहेको हुन्छ । नेपाल आयल निगमले पेट्रोलको मूल्य फेरि वृद्धि गरेको छ । मंगलबार निगमले पेट्रोलको मूल्यमा २ रुपैयाँ प्रतिलिटर वृद्धि गरेको छ । निगमले मंगलबार रातिदेखि लागू हुनेगरी पेट्रोको मूल्य प्रति लिटर २ रुपैयाँ बढाएपछि काठमाडौँमा पेट्रोलको खुद्रा मूल्य लिटरको १०७ रुपैयाँ हुने भएको छ । डिजेल, मट्टितेल, हवाई इन्धन तथा एलपीग्यासको मूल्य भने यथावत रहेको निगमका प्रवक्ता विनितमणि उपाध्यायले जानकारी दिए ।