काठमाडौं । कर्णाली प्रदेशमा पहिलोपटक तीन दिने बीमा अभिकर्ता तालिम सम्पन्न भएको छ। राष्ट्रिय बीमा संस्थान सुर्खेत शाखाले आयोजना गरेको तालिम मङ्सिर ५, ६ र ७ गते भएको थियो । उक्त कार्यक्रममा ३३ जनाले सहभागिता जनाएका थिए ।
कार्यक्रममा बीमा र यसको महत्व, सिद्धान्त र प्रकारहरु बीमा एन नियामावली तथा बिनियामावलीहरु बीमा संस्थानमा प्रचलित बीमालेखहरु बीमा बजारीकरण र अभिकर्ता व्यवसाय वृद्धिका तरिकाहरुका बारेमा प्रशिक्षण दिएको थियो।
यसैगरी, कार्यक्रममा संस्थानका प्रसासक कविप्रसाद पाठकले संस्थानको भावी कार्यदिशा यस क्षेत्रको विस्तारमा बीमा अभिकर्ताले निर्वाह गर्नुपर्ने भुमिकाको बारेमा सहभागीहरुलाई प्रशिक्षित गराएका हुन् ।
त्यसैगरी, उक्त संस्थानका सुर्खेत शाखा प्रमुख रमेश उपाध्यायले बीमाको इतिहास र राष्ट्रिय बीमा संस्थानको परिचय तथा काम कर्तव्यबारे प्रशिक्षित गराएका थिए ।