काठमाडौं । कृषि विकास बैंकले चालु आर्थिक वर्षको प्रथम त्रैमासमा ६० करोड ३७ लाख ४३ हजार खुद मुनाफा आर्जन गरेको छ । गत आर्थिक वर्षको सोही समयको तुलना गर्दा ९.४८ प्रतिशतले नाफा बढाएको हो । गत वर्ष बैंकले ५५ करोड १४ लाख ६१ हजार खुद मुनाफा आर्जन गरेको थियो । यस अवधिमा बैंकको वितरणयोग्य मुनाफा भने २६ करोड १७ लाख ९५ हजार मात्रै रहेको छ । बैंकको खुद ब्याज आम्दानी भने घटेको छ । प्रथम त्रैमासमा बैंकले एक अर्ब ६६ करोड ५१ लाख ९४ हजार खुद ब्याज आम्दानी गरेको छ जुन गत आर्थिक वर्षको भन्दा ८.३४ प्रतिशतले कम हो । बैंकले गत आर्थिक वर्षको प्रथम त्रैमासमा १ अर्ब ८१ करोड ६६ लाख ५९ हजार रुपैयाँ खुद ब्याज आम्दानी गरेको थियो ।

९ अर्ब एक करोड ५५ लाख २९ हजार चुक्ता पुँजी रहेको बैंकले जगेडा कोषमा १० अर्ब ३७ करोड ६७ लाख ८७ हजार राखेको छ । बैंकको निक्षेप ३.१६ प्रतिशतले बढेर एक खर्ब २३ अर्ब ५४ करोड ६७ लाख ८७ हजार रुपैयाँ पुगेको छ । कर्जा लगानी भने शुन्य दशमलव छ प्रतिशतले बढेर एक खर्ब ११ अर्ब ४६ करोड ५७ लाख ३८ हजार रुपैयाँ पुगेको छ ।