कपिलवस्तु । शहरमा मात्रै होइन दूरदराजका गाउँमा पनि बैंकिङ पहुँच पुर्याउने उद्देश्य लिएको एनआईसी एशिया बैंकले कपिलवस्तुको कृष्णनगर विस्तारित काउण्टर सञ्चालनमा ल्याएको छ ।

कपिलवस्तु जिल्लाको कृष्णनगर नगरपालिका– २ स्थित कृष्णनगर विस्तारित काउण्टर यही मंसीर १८ गतेबाट सञ्चालनमा ल्याइएको छ । बैंकले सञ्चालनमा ल्याएको उक्त विस्तारित काउण्टरको उद्घाटन कृष्णनगर नगरपालिकाका मेयर रजतप्रताप साहले गरे । उक्त विस्तारित काउण्टर सञ्चालनमा आएसँगै कृष्णनगर क्षेत्रका ग्राहकहरुलाई बैकिङ्ग सेवा प्राप्त गर्न थप सहज हुने विश्वास बैंकले लिएको छ ।