सिओल । एक नेपाली युवाले यहाँ आत्महत्या गरेका छन् । रोजगार अनुमति प्रणाली (इपिएस) मार्फत ३ वर्षअघि कोरिया आएका अर्घाखाँची जिल्ला भुमिकास्थान नगरपालिका–१० धनचौरका २३ वर्षीय विक्रम पाण्डेले आत्महत्या गरेका हुन् । पाण्डेले बिहीवार दिउँसो करिब १२ बजे आफ्नै कम्पनीको छतमा झुण्डिएर आत्महत्या गरेका हुन् । पाण्डे बिहीबार डिउटीसमेत गएका थिएनन् । लन्चको समयमा खोजी गर्दा उनी कम्पनीको छतमा मृत्त अवस्थामा फेला परेका हुन् । घटनाको प्रारम्भिरक अनुसन्धानबाट उनले कम्पनीको छतमा झुण्डिएर आत्महत्या गरेको खुलेको छ । घटनाबारे स्थानीय प्रहरीले थप अनुसन्धान गरिरहेको छ । उनको शवलाई पोस्टमार्टमका लागि स्थानीय अस्पतालमा राखिएको छ । पोस्टमार्टम रिपोर्ट शुक्रबार मात्रै आउने पन्थीले जानकारी दिए । विक्रमले आत्महत्या गर्नुको कारण खुलेकोछैन । जानकारी अनुसार ३ वर्षे भिसाको म्यादसकिएपछि उनले भोलिमात्रै भिसा नविकरण गराउने तयारी गरेका थिए । मृतक पाण्डे अविवाहित हुन् ।