एजेन्सी । सरकारको उर्दी नमानेको भन्दै उत्तर कोरियामा कोरोना भाइरसबाट ग्रसित एक व्यक्तिलाई मृत्युदण्ड दिइएको छ । ती व्यक्तिले सरकारको उर्दी विपरित सार्वजनिक स्थानमा नुहाउन गएको भन्दै मृत्युदण्ड दिइएको बताएको छ । उत्तर कोरियाली नेता किम जोङ्ग ऊनले जारी गरेको क्वारेन्टाइनबाट कुनै अनुमती बिना बाहिर निस्कन नपाउने आदेशलाई उनले नटेरेको आरोप लगाइएको छ । उत्तर कोरियाले अहिलेसम्म कुनै पनि संक्रमितको पुष्टि गरेको छैन । स्रोतका अनुसार उत्तर कोरियामा चीनबाट फर्किएकाहरु र चिनियाँ व्यक्तिसँगको सम्पर्कमा रहनेलाई क्वारेन्टाइनमा राखिएको छ ।
क्वारेन्टाइनमा बस्न छोडेर नुहाउन हिँडेको भन्दै ती व्यक्तिलार्य मृत्युदण्ड दिइएको बताइन्छ । ती अधिकारीलाई उक्त घातक रोग सर्नमा सहयोग गरेर धेरैको ज्यान खतरामा पारेको भन्दै तत्काल पक्राउ गरेर मृत्युदण्ड दिइएको दक्षिण कोरियाली समाचार एजेन्सीले बताएको छ । स्रोतका अनुसार ती अधिकारीलाई चीनबाट फिर्ता आएपछि एकान्तमा राखिएको बताइएको छ ।