बोस्टन । कोरोना संक्रमणका कारण अमेरिकाको कोलोराडो निवासी लोकेन्द्र कार्कीको मृत्यु भएको छ। उनको गत शुक्रबार मृत्यु भएको हो। कार्की लामो समयदेखि परिवारसहित बोल्डरमा बस्दै आएका थिए। उनका दुई छोरी र एक छोरा छन्। नेपाल गएकी उनकी श्रीमती लकडाउनका कारण उतै रोकिएकी छन्। कोरोनाका कारण कोलोराडोमा तीनजना नेपालीभाषीको निधन भइसकेको छ। यसमा एक भुटानी र दुई नेपाली छन्। अरू दुईजनाको अवस्था गम्भीर भएको बताइन्छ। अमेरिकी सरकारले यस राज्यमा तीन हजारभन्दा बढी नेपालीभाषी भुटानीलाई बसोबास गराएको थियो।