काठमाण्डौ । कोराको संक्रमणबाट बच्न नेपाल सरकारले थुप्रै सजगता अपनाइरहेको छ । कोरोना भाइरसबारे अनेकखाले बहस र भ्रम पैदा भइरहेको बेला यसबारे बुझ्न पैसा नलाग्ने नम्बर १११५ मा फोन गर्न सकिने भएको छ । स्वास्थ्य तथा जनसङ्ख्या मन्त्रालय अन्तर्गतको इपिडिमियोलोजी तथा रोग नियन्त्रण महाशाखाले शुक्रबारदेखि कोरोना भाइरसबारे बुझाउन पैसा नलाग्ने नम्बर १११५ मा जानकारी दिन थालेको हो । महाशाखाका निर्देशक वासुदेव पाण्डेले कोरोनाबारे बाहिरी हल्लाको पछि लाग्नु भन्दा पनि विज्ञको राय र सुझावका लागि महाशाखाले सञ्चालनमा ल्याएको १११५ नम्बरमा सम्पर्क गर्न आग्रह गर्नुभएको छ । फोन उठाउन ६ जना कर्मचारी खटाइएको र यो नम्बरमा चौबिसै घण्टा फोन गर्न सकिने बताइएको छ ।