नारायणगढ । स्थापनाको छोटो समयमै आफ्नो व्यवासायिक सफलता तिर अघि बढेको ज्योति लाइफ इन्स्योरेन्सले सामाजिक उत्तदरायित्वका कामसँगै अभिकर्ताहरुको दक्षता अभिवृद्धि गर्ने कार्यलाई पनि सँगसँगै अघि बढाएको छ ।
ज्योति लाइफ इन्स्योरेन्सको आयोजनामा चितवनको नारायणगढमा अभिकर्ताहरुसँग वृहत् अन्तरक्रिया कार्यक्रम सम्पन्न भएको हो । कम्पनीको नारायणगढ शाखाले गरेको कार्यक्रममा चितवनका १०० जना अभिकर्ताहरुको सहभागिता थियो ।
कार्यक्रममा ज्योति लाइफका क्षेत्रीय बिक्री प्रबन्धक ईश्वरविकल सापकोटाले अभिकर्ताहरुलाई बिक्री कलाको बारेमा प्रशिक्षण दिए । कार्यक्रममा नारायणगढ शाखा प्रबन्धक सिद्धि श्रेष्ठ तथा टाँडी र कावासोतीका शाखा प्रवन्धकहरु विपन श्रेष्ठ र निषेध भट्टराईले मन्तव्य राखेका थिए ।
स्थापनाको तीन वर्षमै उत्कृष्ट सात नम्बरमा पर्न गएको ज्योति लाइफको चितवनमा मात्रै ३०० अभिकर्तासहित एक हजार ५०० बढी नागरिकले सेवा लिइरहेको बताइएको छ ।
