काठमाडौं । हिमालयन बैंक लिमिटेडलाई ट्रेड फाईनान्स कार्यक्रम अन्तर्गत उच्चतम कारोबार गरे बापत एशियाली विकास बैंक (एडीबी)ले टीएफपी अवार्ड २०१९–लिडिङ पार्टनर बैंक इन नेपाल प्रदान गरेको छ । यो अवार्ड बैंकले तेस्रो पटक प्राप्त गरेको हो । एशियाली विकास बैंकद्वारा हिमालयन बैंकलाई बैंकले एशिया प्रशान्त क्षेत्रमा ट्रेड फाईनान्सलाई प्रवर्धन गर्न खेलेको प्रभावकारी भूमिकाका लागि उक्त अवार्ड प्रदान गरेको जनाएको छ ।
यही सेप्टेम्बर ३ मा सिंगापुरमा आयोजित एडीबी ट्रेड फाईनान्स प्रोग्राम अवार्ड समारोहमा बैंकका महाप्रबन्धक सुशिल जोशी र मुख्य प्रबन्धक सतीशराज जोशीले उक्त अवार्ड ग्रहण गरेका छन् ।