काठमाडौँ । सनराइज बैंकले तीन अर्बको ऋणपत्र निष्काशन गर्ने भएको छ । बुधबारदेखि जारी हुने यस ऋणपत्रको ब्याजदर १०.२५ प्रतिशत रहेको छ । यसअघि बैंकले १ अर्ब रुपैयाँ बराबरको ऋणपत्र जारी गरिसकेको छ ।
ऋणपत्र निरन्तर उच्च प्रतिफल लिइरहने ग्राहकका लागि अति उपयोगी बैंकको दाबी छ ।
बैंकको यो ऋणपत्र सात वर्षको हुनेछ । ६–६ महिनामा ब्याज भुक्तानी हुनेछ । बैंकले ६० प्रतिशत संस्थागत र ४० प्रतिशत सर्वसाधारणलाई बिक्री खुला गर्ने जनाएको छ । यस ऋणपत्रका लागि कात्तिक २४ गतेसम्म आवेदन दिन सकिनेछ भने सो समयसम्म पर्याप्त आवेदन नपरे मंसिर १९ गतेसम्म बिक्री खुला हुनेछ । यस ऋणपत्रको निस्काशन तथा बिक्री प्रबन्धक सिद्धार्थ क्यापिटललाई तोकिएको छ ।
