काठमाडौं । कोरोना भाइरस संक्रमणको परीक्षण घटेसँगै देशभर संक्रमितको संख्या पनि घट्दो छ। आज थप ७४३ जनामा कोभिड १९ संक्रमण पुष्टि भएको छ। यससँगै देशभर २ लाख ५५ हजार ९७९ जनामा संक्रमण देखिएको छ। आज कोरोना संक्रमणबाट ५ जनाको मृत्यु भएको छ। स्वास्थ्य मन्त्रालयका अनुसार संक्रमणबाट हालसम्म १ हजार ८०३ जनाको मृत्यु भइसकेको छ। पछिल्लो २४ घण्टामा ९५२ जना संक्रमण मुक्त भएसँगै हाल देशभर ७ हजार ५१५ जना सक्रिय कोरोना संक्रमित रहेका छन्।