काठमाडौं । नेपाली बजारमा आज सुनको मूल्य उकालो लागेको छ भने चाँदीको मूल्य स्थिर रहेको छ । आज छापावाला सुन तोलामा ४ सय रुपैयाँले बृद्धि भई प्रति तोला १ लाख ९ हजार ५ सय रुपैयाँमा कारोबार भइरहेको नेपाल सुन चाँदी व्यवसायी महासंघले जनाएको छ । महासंघका अनुसार आज तेजावी सुन प्रति तोला १ लाख ९ हजार रुपैयाँमा कारोबार भइरहेको छ । साथै आज चाँदी भने हिजोकै मूल्य १ हजार ४२० रुपैयाँमा कारोबार भइरहेको महासंघले जनाएको छ ।