काठमाडौं । सोमबार बसेको मन्त्रिपरिषद्को बैठकले दुई जना सहसचिवलाई बढुवा गरेको छ । गृहसचिव प्रेम राई र उपराष्ट्रपति कार्यालयका सचिव रामकुमार आचार्यको अवकाशपछि प्रशासन समूहका दुई सचिव पद रिक्त रहेको थियो ।
दुई रिक्त सचिव पदमा बढुवा समितिले ३ जनाको नाम सिफारिश गरेर नियक्तिका लागि मन्त्रिपरिषद्मा पठाएको करिब दुई हप्तापछि सचिव बढुवा गरिएको हो । बढुवा भएकामा टेकनारायण पाण्डे र रामकृष्ण सापकोटा रहेका छन् । पाण्डे शिक्षा समूहका सहसचिव हुन् । उनी मुख्यमन्त्री तथा मन्त्रिपरिषद्को कार्यालय प्रदेश नं. ५ बुटवलमा विगत एक वर्षदेखि कार्यरत थिए ।
उनलाई बढुवासँगै कर्णाली प्रदेशको प्रमुख सचिव बनाएर पदस्थापना गरिएको छ । बढुवा भएका अर्का सापकोटा प्राविधिक समूहका क्याडर हुन् । उनलाई बढुवासँगै नेपाल ट्रष्टका कार्यालयमा लगिएको छ । त्यस्तै बैठकले राष्ट्रिय योजना आयोगका सचिव लक्ष्मण मैनालीलाई प्रधानमन्त्री कार्यालयमा सरुवा गर्र्दै सो स्थानमा कर्णाली प्रदेशका प्रमुख सचिव केवलप्रसाद भण्डारीलाई ल्याइएको छ ।
