काठमाडौं । नबिल बैंकको लाभांश घोषणा भएको छ । बैंक सञ्चालक समितिको बैठकले आर्थिक वर्ष २०८१–८२ को कारोबारमा आधारित नाफाबाट बैंकले सेयरधनीहरुलाई यस्तो लाभांश घोषणा गरेको हो । यस अनुसार बैंकले हाल कायम चुक्ता पूँजीको १२।५० प्रतिशत नगद लाभांश करसहित वितरण गर्नेछ ।  उक्त लाभांश नेपाल राष्ट्र बैंकबाट स्वीकृत भई आगामी वार्षिक साधारण सभाले पारित गरेपश्चात सो दरमा लाभांश वितरण बैंकका कम्पनी सचिव भीष्म न्यौपानेले जनाएका छन् । हाल बैंकसँग २७ अर्ब ५ करोड रुपैयाँ बराबरको चुक्ता पुँजी रहेको छ । घोषित दरमा लाभांश दिँदा ३ अर्ब ३८ करोड बराबरको लाभांश वितरण हुनेछ ।