काठमाडौं । युनाईटेड इन्स्योरेन्स कम्पनीका नव नियुक्त अध्यक्ष भरतबहादुर कार्कीले कार्यभार सम्हाल्नुभएको छ । बीमा समितिका अध्यक्ष चिरञ्जीवी चापागाई समक्ष पद तथा गोपनीयताको शपथ लिँदै कार्यभार सम्हाल्नुभउको हो । इन्स्योरेन्स सञ्चालक समितिको भाद्र ९ गते सम्पन्न सञ्चालक समितिको बैठकले कार्कीलाई अध्यक्ष पदमा नियुक्त गर्ने निर्णय गरेको थियो । युनाईटेडको मुख्य लगानीकर्ता एनई ग्रुपको तर्फबाट यसअघि अध्यक्ष रहेका उदयकृष्ण उपाध्यायले पदबाट राजनीमा गरेपछि रिक्त स्थानमा कार्कीलाई सञ्चालक समितिको बैठकले अध्यक्षमा चयन गर्ने निर्णय गरेको थियो।
उनीसँग बैंकिङ, बीमा र परामर्श सेवाको क्षेत्रमा लामो समय काम गरेको अनुुभव छ। उनले नेपाल बैंक र नेपाल इन्स्योरेन्समा अध्यक्ष तथा कृषि विकास बैंकमा सीईओ भएर कार्य गरिसकेका छन्। उनले विश्व बैंकका धेरै परियोजनामा कन्सल्टेन्टको रुपमा समेत आफ्नो जिम्मेवारी निर्वाह गरेका थिए।