एजेन्सी । अमेरिकामा राष्ट्रपति पदको लागि निर्वाचन हुन २ हप्ता पनि बाँकी नरहेका बेला राष्ट्रपतिका उम्मेदवार डोनाल्ड ट्रम्पमाथि यौन शोषणको झ्याङ्लो आइलागेको छ । यही समयमा अहिलेका अमेरिकी राष्ट्रपति तथा अर्को कार्यकालका लागि राष्ट्रपति पदका उम्मेदवार डोनाल्ड ट्रम्प यौनशोषणको आरोपमा फसेका हुन् । एमी डोरिस नामकी एक पूर्व मोडलले ट्रम्पमाथि यौन शोषणको आरोप लगाएकी छिन् । उनका अनुसार यो घटना २४ वर्ष पहिलेको हो जतिबेला उनी २४ वर्षकी थिइन् । एमी अहिले ४८ वर्षकी भएकी छिन् ।
एमीका अनुसार सन् १९९७ मा युएस ओपन टेनिस प्रतियोगिताको क्रममा ट्रम्पले उनको यौनशोषण गरेका थिए । ट्रम्पले त्यतिबेला आफ्नो रियलस्टेटको कारोबार गर्थे । एमीले द गार्डियनलाई दिएको अन्तरवार्तामा ट्रम्पले कसरी युएस ओपन स्ट्याण्डको आफ्नो भीआइभी बक्समा उनको यौनशोषण गरेका थिए भन्ने विस्तारमा बताएकी छिन् । एमी डोरिसले भनेकी छिन् ‘उनले मलाई जबरजस्ती चुमिरहेका थिए र निकै गलत तरिकाले छोइरहेका थिए । जब मैले उनलाई हटाउने कोसिस गरे उनले मलाई अझै बलियोसँग अँठ्याए ।’
एमीका अनुसार ट्रम्पले उनलाई यसरी अँठ्याएका थिए कि उनले चाहेर पनि आफूलाई छुटाउन सकिरहेकी थिइनन् । त्यतिबेला ट्रम्प ५१ वर्षका थिए र उनले मार्ला मेपल्ससँग दोस्रो बिहे गरेका थिए । एमी अहिले ४८ वर्षकी छिन् र जुम्ल्याहा सन्तानकी आमा हुन् । घटनाको बेला एमी २४ वर्षकी थिइन् । उता ट्रम्पका वकिलले भने यी सबै आरोपलाई अस्वीकार गर्दै एमी डोरिस र उनको अन्तरवार्ता लिने अखबार द गार्डियनमाथि नै कैयौं प्रश्न उठाएका छन् ।
ट्रम्पका वकिलले युएस ओपन जस्तो सार्वजनिक ठाउँमा ठूलो संख्यामा दर्शकहरु हुने भन्दै यदि त्यहाँ केही भएको भए अरुले पनि देख्नुपर्ने बताएका छन् । ट्रम्पका वकिलले त्यतिबेला एमी आफ्ना ब्वाइफ्रेण्डसँग आएको बताएका छन् । उनले उल्टै एमीमाथि प्रश्न उठाउँदै यदि युएस ओपनमा त्यस्तो केही भएको भए उनी त्यसपछि पनि ट्रम्पलाई भेट्न किन आइरहिन् भनेर सोधेका छन् । एमीले ५ सेप्टेम्बर १९९७ मा भएको भनिएको यो घटनाका विषयमा त्यतिबेला कुनै पनि उजुरी दर्ता गराएकी थिइनन् ।
एमीले भने त्यतिबेलै यो घटनाबारे आफ्नी आमा, एक साथी र एक थेरापिस्टलाई बताएको भनेकी छिन् । फ्लोरिडामा बस्ने एकीले २०१६ मा यो घटनाबारे सबैलाई बताउनेबारे सोचेको बताएकी छिन् । त्यतिबेला ट्रम्प राष्ट्रपति पदका लागि उम्मेदवार थिए । तर, एमीले आफ्नो परिवारलाई नोक्सानी हुन सक्ने डरले केही नबताएको भनेकी छिन् । एमीले अन्तरवार्तामा भनेकी छिन् ‘मेरा छोरीहरु १३ वर्षका हुन लागेका छन् र म उनीहरुलाई यो सन्देश दिन चाहन्छु कि कसैलाई पनि यस्तो गर्न दिनु हुँदैन जो उनहिरुको मर्जी विरुद्ध छ । म उनीहरुकी रोल मोडल हुँ र म चाहन्छु उनीहरु यो देखुन् कि जे मलाई स्वीकार छैन म त्यसको विरुद्ध उभिएँ, म चुप रहिन ।’