काठमाडौं । बुधबारबाट नेपाल इन्स्योरेन्स कम्पनी ७३ वर्षमा प्रवेश गरेको छ । ७३ औँ वर्ष प्रवेशको अवसरमा आयोजित विशेष कार्यक्रममा बोनुहुँदै प्रमुख कार्यकारी अधिकृत विजय बहादुर शाहले नेपाल इन्स्योरेन्स कम्पनी अब दुई बर्षभित्रमा सर्वश्रेष्ठ कम्पनी बनाउने घोषणा गर्नुभयो । नेपालको सबैभन्दा जेठो बीमा कम्पनी नेपाल इन्स्योरेन्सलाई सबै क्षेत्रबाट सहयोग भइरहेको र अबको दुई वर्षमा नेपालको पहिलो कम्पनी बन्ने उहाँको दाबी थियो । नेपाल इन्स्योरेन्समा अब सरकारी क्षेत्रको सहयोग र निजी क्षेत्रको दक्षताले यो कम्पनीले केहि वर्षमा नै जेठोकोसाथै व्यापारमा पनि सर्वश्रेष्ठ हुने बाटो तयार भएका बताए ।

उक्त समारोहमा बोल्दै इन्स्योरेन्सका अध्यक्ष अर्जुन पौडेल शर्माले जेठो कम्पनीलाई सर्वश्रेष्ठ बनाउने अभियानमा लागेको यस कम्पनीमा आवद्ध सबैजनाको सहयोग आवश्यक रहेको बताए । कार्यक्रममा कम्पनीका डिसिईओ विक्रान्त पाण्डेले ज्येष्ठताका साथ–साथै व्यवसायका रुपमा पनि श्रेष्ठ कम्पनीका रुपमा स्थापित गर्ने संकल्प कम्पनीले लिएको बताउनुभयो । सो कार्यक्रममा इन्स्योरेन्सले उत्कृष्ट कर्मचारी हेरबहादुर महर्जन, सावित्रि श्रेष्ठ र दिपक भुजेल पुरस्कृत गरेको थियो । शाखा प्रमुखहरुमा धनगढीबाट सागर बम, होटौडाबाट सन्तबहादुर गुरुङ र थानकोट संतुगलबाट अस्मिता श्रेष्ठ र काठमाडौं मुख्य कार्यालयबाट कमला कुवंरलाई पुरस्कृत गरिएको थियो ।

वार्षिका कार्यक्रम

• प्रत्येक शाखामा द्विप प्रज्वलनसहित वार्षिकोत्सव मनाउने ।
• प्रत्येक प्रदेशको उत्कृष्ट शाखा प्रमुखलाई पुरस्कृत गर्ने ।
• ग्राहकको पु¥याएको सेवाको आधारमा उत्कष्ट सेवा केन्द्रलाई पुरस्कृत गर्ने ।
• उत्कष्ट कर्मचारीलाई पुरस्कृत गर्ने ।
• लामो समयसम्म सेवा दिएका कर्मचारीलाई पुरस्कृत गर्ने ।

सामाजिक कार्य

• रक्तदान कार्यक्रम सञ्चालन गर्ने ।
• वृक्षारोपण कार्यक्रम गर्ने ।
• ट्राफिक प्रहरीसँग सहकार्य गर्दै दुर्घटना न्युनिकरणमा भूमिका खेल्ने ।
• जेब्रा क्रसिङको सदुपयोग बारे जनचेतना अभियान सञ्चालन गर्ने ।
• बीमासम्बन्धी जनचेतना कार्यक्रमहरु सञ्चालन गर्ने ।

खेलकुद

• अन्तरबीमा बुद्धिचाल प्रतियोगिता, खेलकुद प्रतियोगिताहरु सञ्चालन गरी विजेतालाई पुरस्कृत गर्ने ।