काठमाडौं । नेपालको पहिलो बीमा कम्पनी नेपाल इन्स्योरेन्सले गत आर्थिक वर्षको मुनाफाबाट शेयरधनीलाई ७.८९ प्रतिशत लाभांश घोषणा गरेको छ । कम्पनीले ५ प्रतिशत बोनस र कर प्रयोजनको लागि समेत गरी २.८९ प्रतिशत नगद गरी सो मात्राको लाभांश दिने घोषणा गरेको जनाएको हो ।
संचालक समितिको बैठकले प्रस्ताव गरेको उक्त लाभांशलाई बीमा समितिले स्वीकृत तथा कम्पनीको आगामी साधारणसभाले पारित गरेपछि मात्रै शेयरधनीले सो लाभांश पाउने छन् ।
हाल कम्पनीको चुक्ता पुँजी एक अर्ब ९ करोड ५५ लाख ३६ हजार ६५२ रुपैयाँ रहेको छ । ५ प्रतिशत बोनस पश्चात कम्पनीको चुक्ता पुँजी एक अर्ब १५ लाख रुपैयाँ पुग्ने छ ।