रियाद । अवैध रुपमा साउदी अरवमा बसोबास गरिरहेका र नेपाल फर्किन चाहनेहरुलाई नेपाली दूतावासले सहयोग गर्ने भएको छ । साउदी सरकारले ल्याएको पछिल्लो बहिर्गमनको व्यवस्था अनुरूप नेपाल फर्किन चाहने नेपालीहरुको लागि फारम तथा कागजात संकलन गर्न साउदी अरबस्थित नेपाली राजदूतावासले सहयोग गर्ने भएको छ । साउदी सरकारले साउदी अरबमा रोजगारीमा रही विविध कारणले भीसा नवीकरण नगरेका वा नभएका, कम्पनी छोडी भागेका, सार्वजनिक सजाय पाएका वा सजाय भुक्तानी गरिसकेका विदेशी कामदारहरुका लागि वहिर्गमनको व्यवस्था गरेको छ । साउदी सरकारले ल्याएको यो बहिर्गमन योजना अन्तर्गत स्वदेश फर्कन चाहने नेपालीहरुलाई स्वदेश फिर्कन आवश्यक पर्ने फारम र कागजातहरु राखी पत्रसहित सम्बन्धित श्रम कार्यलयमा जानका लागि नेपाली राजदूतावासले माघ १८ गते (१ फेब्रुअरी २०२०) बाट अल बातिनमा कर्मचारीहरु खटाई फारम र निवेदन संकलन गर्न थालेको छ । दिउँसोको १२ बजे देखि ४ बजे सम्म तोकिएको स्थानमा उपस्थित भई फारम भरेर बहिर्गमन व्यवस्थाको फाइदा लिई स्वदेश फर्किनुहुन दुतावासले अनुरोध गरेको छ । कुनै समस्या भएमा सम्पर्क दूतावासका सविन परियार (0593258235) लाई कल गर्न सकिने दुतावासले जनाएको छ ।