काठमाडौं । नेपाल लाइफ इन्स्योरेन्स सल्यान शाखाले बीमितका आश्रित परिवारलाई मृत्यु दाबी बापतको भुक्तानी गरेको छ । कम्पनीले एक कार्यक्रम आयोजना जीवन बीमा वापतको मृत्यु दाबी रकम भुक्तानी गरेको हो। कपुरकोट गाउँपालिका ५ का २६ बर्षिय मृतक कमल खत्रीको श्रीमती अमृता खत्रीलाई मृत्यु दाबी वापतको रकम प्रदान गरको हो ।
कम्पनीले उक्त मृत्यु बीमा दावी वापतको २१ लाख ९५ हजार रुपैयाँको चेक रकम मृतकको श्रीमती अमृता खत्रीलाई हस्तान्तरण गरेको कम्पनीका शाखा प्रमुख बिनोद शर्माले बताए । मृतक खत्रीको पानीको मोटर चलाउदै गर्दा दाङमा करेन्ट लागेर मृत्यु भएको थियो । खत्रीले १० लाखको जिबन बीमा गराएका थिए। उनले कम्पनीमा २ किस्ता वापतको १ लाख २५ हजार ६ सय ३२ रुपैयाँ बुझाएका थिए।