काठमाडौँ । नेपाल लाइफ इन्स्योरेन्सले चालु आर्थिक वर्षका दोस्रो त्रैमाससम्ममा खुद नाफा भने ३५ करोड रुपैयाँ छ । यो अघिल्लो वर्षको सोही अवधिको नाफा भन्दा २५ प्रतिशतले बढी हो । नेपाल लाइफले बीमाशुल्कलाई ७८ प्रतिशतले बढाएको छ । नेपाल लाइफले अघिल्लो वर्षको पुससम्म ७ अर्ब ९४ करोड रुपैयाँ बीमाशुल्क आर्जन गरेकोमा यो आकारलाई यो वर्ष १४ अर्ब ७ करोड रुपैयाँ पुर्याएको हो । यो बीमाशुल्क आर्जनसँगै नेपाल लाइफको हालसम्मको कुल बीमाशुल्क १ खर्ब ५ अर्ब रुपैयाँ पुगेको छ । ५ अर्ब ४९ करोड चुक्तापुँजी भएको इन्स्योरेन्ससँग अहिले २ अर्ब ६१ करोडको जगेडा कोष, ७७ अर्ब ५९ करोडको जीवनबीमा कोष र ४७ करोडको महाविपत्ति कोष छ । इन्स्योरेन्सले ६ महिनामा करिब ४६ करोड ९१ लाख रुपैयाँ व्यवस्थापन खर्च गरेको छ ।
हालसम्म १२ लाख ५८ हजार बीमालेख बिक्री गरेको नेपाल लाइफले ६ महिनाको अवधिमा २१ हजार ३ सय ४७ जनालाई मात्रै ३ अर्ब १९ करोडको दाबी भुक्तानी गरको छ । उक्त इन्स्योरेन्सले आफ्ना बीमितहरुलाई प्रतिहजार ६२ रुपैयाँदेखि ८२ रुपैयाँसम्मको बोनस दिँदै आएको छ ।