काठमाडौं । पेशागत बीमा अभिकर्ता संघ बीमक नेशनल लाइफ इन्स्योरेन्स कम्पनीको कोशी प्रदेश स्तरीय भेला सोमबार इटहरीमा सम्पन्न भएको छ । नेशनल लाइफ इन्स्योरेन्स कम्पनीमा आवद्ध अभिकर्ताहरुको व्यवसायिक सुरक्षा हकहित र एकताको निम्ति देशैभरी सातै प्रदेशमा कमिटी विस्तार गर्ने संघको अभियान अन्तर्गत कोशी प्रदेशमा पहिलो पटक कोशी प्रदेश स्तरीय कमिटी गठन गरिएको हो । संघले ७ गते २ नम्बर प्रदेशमा भेला आयोजना गर्ने भएकोछ । इटहरीको क्यान होटलमा सम्पन्न सो भेलाले किशन शाहीको संयोजकत्वमा २१ सदस्यीय कोशी प्रदेश कमिटी चयन गरेको छ । पेशागत बीमा अभिकर्ता संघ बिमकः नेशनल लाइफ इन्स्योरेन्स कम्पनीको बरिष्ठ उपाध्यक्ष दिपा वलीको सभापतित्व एवं संघको केन्द्रिय उपाध्यक्ष दिपक अर्यालको प्रमुख आतिथ्यतामा सम्पन्न भेलाबाट एक महिला उपाध्यक्ष सहित तीन उपाध्यक्ष र एक महिला सहसचिव सहित ३ सहसचिव रहने विद्यानमा व्यवस्था भए बमोजिम २१ सदस्यीय समिति सर्बसम्मत चयन गरेको छ । समितिको उपाध्यक्षहरुमा सुर्यवहादुर घिमिरे, युवराज डंगोल–दमक, महिला उपाध्यक्षमा एलिसा आले मगर–उर्लाबारी,सचिव यमकुमार राई–विर्तामोड,सहसचिवमा ध्रुवकुमार अधिकारी–दमक, चन्दा रबिदास–विराटनगर, केवी ठकुरी–गाईघाट, कोषाध्यक्षमा देवेन्द्र प्रसाई चयन भएका छन् । यसैगरी सदस्यहरुमा जेवी राई–खोटाङ, नारायण प्रसाल खरेल–दमक, धनबहादुर तामाङ, पूर्ण लिम्बू–लेटाङ, सन्तबहादुर तामाङ–इटहरी, भोला साह–इटहरी, पवित्रा प्रसाई–ताप्लेजुङ, भरत कडेल, सत्रुघन श्रेष्ठ–विराटनगर, चित्रसेन राई, सुवास राई, कविता अर्याल चयन भएका छन् । नवनिर्वाचित पदाधिकारीहरुलाई पेशागत बीमा अभिकर्ता संघका केन्द्रिय उपाध्यक्ष कार्यक्रमका प्रमुख अतिथी समेत रहेका दिपक अर्यालले बधाई तथा शुभकामना दिएका थिए । बीमा क्षेत्रमा अभिकर्ताको भूमिका र अभिकर्ताको योगदानको बारेमा चर्चा गर्दै अर्यालले उत्प्ररणात्मक मन्तब्य राखेका थिए । प्रदेश भेलामा संघका केन्द्रिय सहसचिव यतिराज अधिकारीले कार्यक्रमको औचित्व र उदेश्य माथी प्रष्ट पारे । कोशी प्रदेश प्रमुख नरेन्द्र राइले संगठनको नाममा हुने अराजक गतिवीधिलाई निस्तेज पार्दै रचनात्मक भूमिका निर्वाह गरी अघि वढ्न सके संगठन मार्फत समग्र बीमा व्यवसायलाई फाइदा हुने बताए । केन्द्रिय सदस्यहरु टिका खरेल ,नेपालमान श्रेष्ठले नवनिर्वाचित पदाधिकारीहरुलाई बधाई तथा शुभकामना व्यक्त गरेका थिए । कार्यक्रममा विराटनगर, दमक, संखुवासभा लगायतको विभिन्न जिल्लामा आवद्ध अभिकर्ताहरु सहभागिता रहेको थियो ।