काठमाडौं । प्रधानमन्त्री केपी शर्मा ओलीको सचिवालयका थुप्रै मानिसलाई कोरोना देखिए पनि अलिहेसम्म क्याविनेटका मन्त्रीहरुलाई कोरोना देखिएको थिएन ।
यही बेला संस्कृति, पर्यटन तथा नागरिक उड्ययनमन्त्री योगेश भट्टराईलाई कोरोना भाइरसको संक्रमण पुष्टि भएको छ । शुक्रबार बेलुकी ज्वरो आएपछि मन्त्री भट्टराईले शनिबार स्वाब दिएका थिए ।
आफ्नो रिपोर्ट पोजेटिभ आएको मन्त्री भट्टराईले बताएका छन् । हालसम्म हल्का ज्वरो बाहेक अरु समस्या देखिएको छैन, उनले भनेका छन् । उनले आफ्नो सम्पर्कमा आएकाहरुलाई सतर्क रहन र कुनै समस्या देखिए परीक्षण गराउन आग्रह गरेका छन् ।
