काठमाडौं । सत्तारुढ दल नेपाल कम्युनिस्ट पार्टी (नेकपा) का अध्यक्ष पुष्पकमल दाहाल ‘प्रचण्ड’माथि आइतबार राष्ट्रिय सभागृहमा जुत्ता प्रहार गर्ने व्यक्तिको पहिचान खुलेको छ । प्रचण्डलाई जुत्ता हान्ने पुर्व माओवादी लडाकु रतन तिरुवा रहेको खुलेको छ । भरतमोहन अधिकारी स्मृति फाउन्डेसन नेपालद्वारा राष्ट्रिय सभागृहमा आयोजित सभालाई सम्बोधन गरेर फर्किने क्रममा प्रचण्डमाथि जुत्ता प्रहार भएको हो। जुत्ता प्रहार गर्ने तिरुवालाई प्रहरीले पक्राउ गरेको छ । तिरूवा जुम्लाको भएको खुलेको छ । अध्यक्ष प्रचण्डलाई ताकेर जुत्ता प्रहार गरिए पनि उनलाई लागेको भने थिएन ।