काठमाडौं । मुलुकभर शाखा सञ्जाल विस्तार गरेको प्रभु बैंकले चालु आर्थिक बर्षको पहिलो त्रैमासमा नाफा ५ प्रतिशतले बढाएको छ । बैंकले पहिलो त्रैमासमा ६२ करोड ८४ लाख रुपैयाँ खुद मुनाफा आर्जन गरेको हो । गत वर्षको सोही अवधिमा ५९ करोड ८४ लाख रुपैयाँ नाफा कमाएको बैंकको वितरणयोग्य मुनाफा भने ५.५७ करोड रहेको छ । यस अवधिमा बैंकको निक्षेप बढेर १ खर्ब ६ अर्ब पुगेको छ भने कर्जा २.६२ प्रतिशतले बढेर ९१ अर्ब ६८ करोड रुपैयाँ पुगेको बताएको छ । बैंकको निक्षेप र कर्जा क्रमश ०.९३ प्रतिशत र ६.८३ प्रतिशतले बढेको बताइन्छ । बैंकको कुल ब्याज आम्दानी २४.१० प्रतिशतले बढेर १ अर्ब ४० करोड रुपैयाँ पुगेको छ ।

८.८९ अर्ब चुक्ता पुंजी रहेको बैंकको रिजर्भमा ५.९६ अर्ब रहेको बैंकको खराब कर्जा भने २.५१ प्रतिशतबाट बढेर ३.३२ प्रतिशत पुगेको छ । बैंकको प्रति शेयर आम्दानी २८.२७, नेट वर्थ १६७.१२, मूल्य आम्दानी अनुपात ९.३७ गुणा, आधार दर ९.२४ प्रतिशत, कोषको लागत ६.१५ प्रतिशत, सिसिडि ७७.८१ र पुँजी पर्याप्तता अनुपात ११.०३ रहेको बताइएको छ ।