काठमाडौँ । निर्जीबन बिमा कम्पनी प्रभु इन्स्योरेन्सले चालु आर्थिक वर्षको पहिलो तीन महिनामा करिब ३४ प्रतिशतले खुद नाफामा बृध्दि गर्न सफल भएको छ । सो कम्पनीको खुद नाफा चार करोड १० लाख रुपियाँ देखाइएको छ जुन अधिल्लो बर्षको सोही अवधिको तीन करोड चार लाखको तुलनामा एक करोड भन्दा बढी रहेको छ ।
प्रभु इन्स्योरेन्सले चालु आर्थिक बर्षको पहिलो त्रैमासमा १६ करोड ९८ लाख रुपियाँ खुद बीमाशुल्क आर्जन गरेको छ । बिमा शुल्क आर्जनमा कमी आएको सो इन्स्योरेन्सले अधिल्लो बर्षको सोही अवधिको १७ करोड ४२ लाखको तुलनामा २.४९ प्रतिशतले कमी हो । खुद बीमा शुल्क घटेको तथ्याङ्क सार्वजनि भए तापनि अन्य आम्दानीमा भने सुधार देखिएको छ । कम्पनीले पुर्नबीमा कमिशनबाट पाँच करोड ३३ लाख, लगानी कर्जा तथा अन्य आयबाट एक करोड २२ लाख रुपियाँ आम्दानी गरेको जनाएको छ ।
बिमा समितिले निर्जीबन बिमा कम्पनीको लागि तोकेको चुक्ता पुँजी पु¥याइसकेको प्रभु इन्स्योरेन्सको चुक्ता पुँजी एक अर्ब पाँच करोड रुपियाँ रहेको छ भने कम्पनीको जगेडा कोषमा २६ करोड ७४ लाख रुपियाँ तथा बीमा कोषमा ५८ करोड ६१ लाख रुपियाँ रहेको देखाइएको छ । त्यसैगरी कम्पनीको महाविपत्ती कोषमा १० करोड ६३ लाख रुपियाँ रहेको छ । चालु आर्थिक बर्षको पहिलो त्रैमाससम्ममा कम्पनीले १८ हजार ८७१ बीमालेख जारी गर्दै २९ करोड ८१ लाख रुपियाँ कुल बीमा शुल्क संकलन गरेको जनाएको छ ।
चुक्ता पुँजी बढी भएका कारण कम्पनीको प्रतिशेयर आम्दानी भने मात्र चार रुपियाँ रहेको छ भने प्रतिशेयर नेटवर्थ १८५ रुपियाँ र मुल्य आम्दानी अनुपात ७५ गुणा बढी रहेको छ ।
